Metropolitanstod Palermo | |
---|---|
Wappen | ![]() |
Stoot: | Italien |
Region: | Sizilien |
Fläch: | 4.992,23 km² (12.) |
Eihwohna: | 1.271.406 (31. Dez. 2015)[1] |
Dichtn: | 255 Einwohner/km² |
Oozoi Gmoana: | 82 |
Kfz-Kennzoachn: | PA |
Hoamseitn: | Metropolitanstadt Palermo |
![]() |
De Metropolitanstod Palermo (italienisch: Città Metropolitana di Palermo) is oane vo de drei Metropolitanstädt vo da Autonomen Region Sizilien in Italien. Haptstod vo da Metropolitanstod und zgleich vo da gsomtn Region is Palermo.
De Metropolitanstod Palermo is de Rechtsnochfoigarin vo da Provinz Palermo (italienisch: Provincia di Palermo). Se liegt an da Noadgstod am Tyrrhenischn Meea. Im Westn grenzt se an de Provinz Trapani, im Sidn an de Provinz Agrigent und de Provinz Caltanissetta, im Ostn an de Provinz Enna und de Metropolitanstod Messina.
De Metropolitanstod is in 82 Gmoana gliedat, zu dena aa de Insl Ustica gheat. Af ana Fläch vo 4992 km² lem 1.271.406 Eihwohna (Stond: 31. Dezemba 2015). A Groußtei vo da Bevejkarung konzentriat se af de Haptstod und af de Gstodgebiete.
Touristische Onziehungspunkte san Palermo, greßte Stod vo Sizilien, de Städt Monreale und Cefalù sowia de archäologischn Fundstättn Himera und Solunt. Wejdweit bekonnt is de in da Metropolitanstod liengde Kloastod Corleone duachn Roman Der Pate vo Mario Puzo worn.